Бүгүн СӨ Ил Түмэн бэрэссэдээтэлэ Виталий Басыгысов суруналыыстарга ыыппыт пресс-конференциятыгар РФ президиэна Дмитрий Медведев РФ сокуону таһаарар сэбиэтин кытта Кремльга көрсүһүүтүн кэпсээтэ.
Бу көрсүһүүгэ коррупция боппуруоһа ырытылыбыт. Сэбиэт чилиэннэрэ 2008 сыллаахха ылыллыбыт «Коррупцияны утарылаһыы» федеральнай сокуону дьоһуннааҕынан бэлиэтээтилэр. 2010 с. муус устар ыйыгар коррупцияны утарылаһыы национальнай стратегията бигэргэммитэ, РФ президиэнин ыйаахтара тахсыбыттара. Федерация бары субъектара коррупцияны утарылаһыыга сыалламмыт программалары уонна былааннары ылыммыттара, тустаах структуралары арыйбыттара.
Көрсүһүүгэ тыл этээччилэр коррупцияны утарылаһыыга сыһыаннаах сокуоннар уонна нормативнай правовой акталар олоххо киириилэрин механизмын тупсарыыга президиэн болҕомтотун уурбуттар.
Россия президиэнэ Дмитрий Медведев коррупцияны утары охсуһууга сокуону таһаарар уонна судаарыстыба толорор салааларын, федерация субъектарын уонна олохтоох салайыныы үлэлэрин ырыҥалаан туран, дойду бу хайысхаҕа улахан хамсааһыны ситиһэ илигин бэлиэтээн эппит. Уонна бүгүҥҥү сокуону таһаарааччылар тыл этиилэригэр саҥа санаалар, этиилэр уонна бырайыактар суохтарын туоһулаата.
Маны сэргэ көрсүһүүгэ В.Басыгысов суруналыыстар үгүс боппуруостарыгар эппиэттээтэ. Бу туһунан СИА кэпсиир.
Комментарии
Сообщение:
Отправить Отмена
-
213.129.58.21524.07.10 11:30 Автор: Кэтэриинэ
↑ наверхБичиги чиновниктарбыт коррупц2ияны утары охсуЧуу сокуонун ситэ эйдээбэт буолан этии киллэрбэттэр буоллага дии,саха политиктара бааргыт дуо? тугунан дьарыктанагыт?