РФ президиэнин ДВФУО-ҕа боломуочуйалаах бэрэстэбиитэлэ Виктор Ишаев бу күннэргэ бэтэрээннэр кыһалҕаларын туһунан кэпсээтэ:

- 2005 с. кулун тутар 1 күнүгэр диэри уочаракка турбут ветераннар ыам ыйын 9 күнүгэр диэри дьиэнэн хааччыйылыннылар. Дьон-сэргэ иннигэр бэриллибит эбэһээтэлистибэ толорулунна. Мантан салгыы болдьохтоммут күн кэннэ уочаракка турбут ветераннары дьиэнэн хааччыйыы соруга турар. Син элбэх киһи араас биричиинэнэн дьиэтэ суох сылдьар. Бүгүҥҥү күҥҥэ мин бүтүн дойдуга эйэни бэлэхтээбит ветераннарга этиэм этэ: Кыайыы бырааһынньыга ааста. Ол эрэн, итэҕэйин, эһиги кыһалҕаҕыт умнуллуо суоҕа, судаарыстыба сотору кэминэн ити боппуруоһу быһаарыа.
Дальнай Восток субъектарын үрдүкү салайааччылара 2010 сыл атырдьах ыйыгар диэри дьиэҕэ наадыйааччылары учуокка туруоруохтаах. Онон аҕыйах күн хаалла.
Билиҥҥи кэмҥэ Дальнай Востокка 4 тыһыынчаттан тахса ветеран уочаракка турар. Уочарат улаатан иһэр.
Ыам ыйын 9 күнүн кэннэ 1068 ветеран дьиэнэн хааччыллыбыта, бу уочарат 25,4 %-на.
Бүгүҥҥү күҥҥэ дьиэнэн хааччыйыыга саамай ыарахан туруктаах - Амур уобалаһа, Саха сирэ, Приморскай кыраай уонна Еврейскэй автономнай уобалас буолаллар.
Саха сиригэр 230 киһи – республика уочаратыгар турааччылар 32,3% -ра дьиэнэн хааччылыннылар. Маны сэргэ саҥа тутууга 570 квартира саппаастанан турар. Өскөтүн уочарат кэҥээбэтэҕинэ хаалбыт 80 %-ҥа бу квартиралар тиийиэхтээхтэр.
Билиҥҥи кэмҥэ үгүс куоракка саҥа тутуулар бара тураллар. Ол эрэн тыа сиригэр олорор ветераннар эмиэ бааллар. Онон биһиги бүгүҥҥү күҥҥэ тыа сиригэр олорор ветераннар дьиэлэрин тупсаралларыгар биир кэлим төлөнөр компенсация көрүллэригэр РФ правительствотыттан туруорсабыт. Бу туһунан СИА кэпсиир.
kyym.sakha.ru
19.07.2010 17:35 | оригинал статьи | просмотров: 25525
Комментарии
Сообщение:
Отправить Отмена