Арассыыйа Молдавияттан кэлэр арыгы хаачыстыбатын намыһах диэн сыаналаата. Бу кэнники икки нэдиэлэ иһигэр итинник мөлтөх хаачыстыба хаалар буоллаҕына, арыгы онтон кэлэрэ бобуллар буолбут. Дифутилфталат диэн киһиэхэ улахан буортулаах сүһүрдэр эттик баара биллибит.

Ол кумаартан, хомурдуостан харыстанан ыстарынар репелленнар састааптарыгар киирэр эбит. Урут ити курдук бобуу буола сылдьыбыт. Онно Молдавиялар тутатына арыгыларын хаачыстыбытын көннөрбүттэр. Билигин ити курдук бобуу киирдэҕинэ, Молдавия экономикатыгар улахан охсуу буолар. Арыгы оҥорон атыылааһын кинилэргэ биир сүрүн хайысха буолар. Онон билигин түргэн үлүгэрдик Молдавияттан кэлэр арыгы үчүгэй хаачыстыбалаах буолуохтаах. Кумаар эмин кытта арыгылара биир састааптаах буолара соччото суох ээ.

kyym.sakha.ru
19.07.2010 17:12 | оригинал статьи | просмотров: 25902