Погода

-15..-17°C

Ясно, без осадков

Ветер: сев -1 - 1 м/с

Давление: 752 мм рт.ст.

Курсы валют ЦБ РФ

USD: 56,2463
EUR: 63,3221

Отправка SMS

kyym.sakha.ru

Айанньыт, суол иннинэ аах, туһан

Сөмөлүөттэр быыстала суох көтөллөр, аэропортар барааччы-кэлээччи элбэҕиттэн оргуйан олороллор. Аҥардас биир бэйэм быйыл аэропортка дьону көрсө-атаара, хаста да киирэн таҕыстым. Дьон сирэйин-хараҕын кэтиибин: үөрбүттэр, долгуйбуттар, кыһалҕаламмыттар да бааллар. Оттон бэйэм ханна эмэ бараары гыннахпына таҥараттан биири эрэ көрдөһөбүн: «Баһаалыста, этэҥҥэ айаннаан сынньанан кэлиим эрэ!» -диэн.

СУДААРЫСТЫБА МЭКТИЭЛЭЭБЭТ Быйыл саас правительство «Арассыыйа олохтоохторо кыраныысса таһыгар тахсан баран, харчыта суох хаалар түгэннэригэр көмөлөһүөхтээх» -диэн уурааҕын бигэргэтэргэ уурбута. Биллэн турар, уураах сыл аҥара буолан баран олоххо киириэхтээх, ол эрэн РФ МИД официальнай бэрэстэбиитэлэ Андрей Нестеренко уураах дьиҥ ис хоһоонун иһитиннэрбитин өйдөөтөххө, правительство кыраныысса таһыгар сылдьар киһи ыксаллаах быһыыга-майгыга түбэспит, эмсэҕэлээбит эрэ буоллаҕына көмөлөһүөхтээх эбит. Ол иннинэ премьер миниистир Владимир Путин «Арассыыйа олохтоохторо кыраныыса таһыгар куттала суох сылдьыахтаахтар, ону судаарыстыба мэктиэлиэхтээх» -диэн эппитэ да, араас биричиинэн сынньана сылдьар киһи харчытын, докумуонун сүтэрэр түгэнигэр судаарыстыба хас сэрэҕэ суох киһини эмсэхтии сылдьыбата чахчы. Онон, айанньыттар, эһиги болҕомтоҕутугар туохтан сэрэнэ-сэппэнэ сылдьыаххытын сөбүн интернет сүбэлэрин тиэрдэбит. СОХСОЎО КИИРЭН БИЭРИМЭ «Буор босхо арыы сохсоҕо эрэ баар» - диэн мээнэҕэ эппэттэр. Үгүс киһи үбүн-харчытын экономиялыыр сыалтан араас таһымнаах чэпчэтиилээх этиилэргэ киирэн биэриэн сөп. Турбизнес барыстааҕынан бизнес көрүҥнэрин ортолоругар онус миэстэҕэ турар. Онон бу бизнескэ албын-түөкүн аферистар эмиэ баар буолаллар. Кинилэр дьону улахан чэпчэтиинэн мэҥиэлээн албыннарыгар кэбэҕэстик угаллар. Манныкка түбэспэт наадатыттан, эн туһанар турфирмаҥ Ростуризм реестрыгар киирбитин суоҕун бастаан бэрэбиэркэлээ. Эбэтэр үгүһү толкуйдуу барбакка биллэр, улахан турфирмаҕа эрэн. Кыһыны быһа мунньан сордоммут харчыгын биирдэ албыннаппыттааҕар, кыратык эбии төлөөбүтүн уон оччонон ордук. ВИЗА БИЭРБЭТТЭР Биир айанынан сир сиксигин кэрийэргэ былааннанар буоллаххына, сорох дойдуларга виза биэримиэхтэрин сөбүн учуоттаан, эрдэттэн бэлэм буол. Дойду консульствота эһигини киллэримиэн уонна тоҕо киллэрбэтин быһаарымыан сөп. Виза бэриллибэт биричиинэлэрэ: -Анкета сыыһа толоруллубут буоллаҕына (болҕомтолоох буол) -Сынньанааччылар атын дойдуга көһөөрү соруммуттарын сэрэйдэхтэринэ (элбэх таһаҕаһы, харчыны илдьэ барыма, көмүскүн аҕыйат) -Айанньыт айанын сатаан төлүүр кыаҕа суох эбит дии санаатахтарына -(Анкетаҕа 20 тыһ. аҕыйаҕы суруйума) -Бу иннинэ атын дойдуларга тахсаары виза оннугар күөх штамп ылбыт буоллаххына, ханнык баҕар консульство эйиэхэ виза биэрэртэн аккаастанар бырааптаах (пааспарын ыраас буоларыгар дьулус) Ол эрэн 90% аккаас докумуон сыы6а толоруллубутуттан тахсар. Онон үчүгэй туроператоры таллаххына, хайаатар даҕаны эйиэхэ виза тиксэриэхтэрэ. ПААСПАРЫў-ОЛОЎУў Айаҥҥа туруннахха саамай күндү малгыт пааспаргыт буолар. Онон пааспаргытын этэргэ дылы, сүрэххит анныгар укта сылдьыҥ, хараххыт харатын курдук харыстааҥ. Дьиэҕититтэн, гостиницаттан тахсаары туран хайаан даҕаны, билеттаргыт, докумуоннаргыт баарын-суоҕун бэрэбиэркэлээҥ уонна айаннаан иһэн таксига, автобуска туох да иһин хостоомоҥ. ТАҺАЎАСКЫН СҮТЭРДЭХХИНЭ Аан дойду үрдүнэн пассажирдарын малын сүтэрбэтэх аэропорт диэн суох быһыылаах. Биһиги чемоданнарбытын, суумкаларбытын төттөрү-таары таһа сылдьан ханна баҕарар ыытыахтарын сөп. Холобура, өскөтүн сөмөлүөт атын рейскэ көтөр буоллаҕына алҕаска уган кэбиһиэхтэрин сөп. Биллэн турар, ити эһиги буруйгут буолбатах, аэропорт буруйа, онон санааҕытын түһэрбэккэ, таһаҕаскыт аналлаах сиригэр кэлбэтэҕинэ тута, авиокомпания офиһыгар тиийэн мененджергэ протокола оҥорторуҥ. Оннук түбэлтэҕэ, аэропорт эһиэхэ маҥнайгы кэмҥэ туттар маллаах суумка биэриэхтээх. Оттон таһаҕаскыт хас да күн иһигэр булуллубатаҕына, авиакомпанияттан таҥас атыылаһарга материальнай көмө көрдүүр бырааптааххыт. Өскөтүн суумкаҕыт олоччу сүттэҕинэ авиахампаанньа хайаатар даҕаны компенсация төлүөхтээх. Маннык түгэн тахсыбатын туһугар, бу иннинээҕи айантан хаалбыт араас наклейкалары барытын чымадааҥҥытыттан ыраастааҥ. Эбэтэр олус куттанар буоллаххытына суумкаҕытыгар аадырыскытын, ааккытын суруйан кэбиһиҥ. ОВЕРБУКИНГ Овербукинг –авиахампаанньалар, рейскэ аһаҕас миэстэ хаалбатын туһугар туттар ньымалара. Кинилэр биир миэстэни хас да төгүл атыылыахтарын сөп эбит. Быраабыла быһыытынан, рейстэн биир-икки пассажир хойутуур эбэтэр билиэтин төнүннэрэр. Ити ньыма туһунан сыалай сайтары арыйан ырыталлар, итини сөптөөхтүк тэрийэр анал специалистар үлэлииллэр, ол да үрдүнэн сороҕор сыыһа-халты тахсыан сөп. Бэлэм буолуҥ уонна соһуйумаҥ! Ити курдук, тас дойдуга айанныырга сүрүн кыһалҕалар тустарынан кылгастык итинник. Этэргэ дылы, нууччалыы эттэххэ, «Предупрежден – значит вооружен», дьоллоохтук айаннааҥ!


15.07.2010 14:52 | просмотров: 19726

31.03.11
Гражданнар былаас органнарыгар туһаайан этиилэрин көрүү бэрээдэгэр уларытыылар киириэхтэрэ
31.03.11
Балыксыттарга субсидия көрүллэр
31.03.11
Кытай тыйыс бириигэбэрэ 1
30.03.11
Эфиргэ Галина Данчикова
30.03.11
Муома улууһа «национальнай эбээн оройуона» статустаныан сөп
30.03.11
Чунуобунньук уонна тыа киһитэ: уопсай тыл хаһан көстүөй? 1
30.03.11
«Хаар айан-2011» күрэх кыайыылаахтара
29.03.11
Мииринэйгэ аҕалар күрэхтэһэллэр
29.03.11
Массыанньыктар утуйбаттар…
29.03.11
Чурапчыга саҥа стадион тутуллар
29.03.11
Өтөрүнэн буолбатах сылаас күн буолан ааспыт
28.03.11
Үрдүк таһымҥа тахсан иһиэхпит
28.03.11
Психологтар семинардара буолар
25.03.11
Сөмөлүөт Ижматтан көттө
25.03.11
Брейн-рингэ кыайыылаахтарыгар -- суотабай төлөппүөн
25.03.11
Дьокуускайга Байанай күннэрэ
25.03.11
Саамай элбэх сүөһүну уус алданнар эспиттэр… 3
24.03.11
Сааскы халаан уута чугаһыыр 1
24.03.11
Киин куорат суолун өрөмүөнүгэр үтүмэн үп көрүллүбүт
24.03.11
Дьон 1-2 хостоох квартираны ордорор эбит
24.03.11
Дьокуускай куорат уонна Горнай улууһа Сөбүлэһии түһэристилэр
23.03.11
Хомуспутун – Аан дойгуга дорҕоонноохтук, киэн тутта, дьоһуннаахтык 2
23.03.11
Наадалаах боппуруостар – туһалаах эппиэттэр
23.03.11
ХИФУ аһаҕас аан күннэрин ыытар
23.03.11
Бу өрөбүлгэ бириэмэбит уларыйар
22.03.11
Халаан уутугар бэлэмнэнии үлэ барар
22.03.11
Килиэп сыаната үрдүүр 7
22.03.11
Олох-дьаһах өҥөтүгэр үлэ миэстэтэ!
22.03.11
Психологтар семинардара
21.03.11
"Сахазернопродукт" — бастакы хараҥаччы
21.03.11
Иэстээх дьону дьиэлэриттэн таһаараллар 6
21.03.11
Дьокуускайга Горнай улууһун күннэрэ 1
21.03.11
Хомус туһунан саҥалыы, атыннык
18.03.11
Сүүйсүүлээх оонньуулары тэрийии иһин алта сыл хаайыы 1
18.03.11
Күндээдэ үлэһиттэригэр хамнастарын төлөөбөтөхтөр
18.03.11
Радиация Саха сиригэр кэлиэн сөп дуо? 9
18.03.11
Гааһы холботууга биир кэмнээх көмө
17.03.11
Эдэр ыччакка аналлаах үлэ дьаарбаҥката ыытыллар 1
17.03.11
Дьокуускайга Өймөкөөн улууһун күннэрэ
17.03.11
Оҕо доруобуйата тупсарын туhугар 1
Яндекс.Метрика